þriðjudagur, 17. sep 2019

Annar hádegisfyrirlestur haustsins: „Jarðsett verður í heimagrafreit“

Annar fyrirlestur haustsins verður haldinn þriðjudaginn 24. september. Allir fyrirlestrarnir eru haldnir í samvinnu við Þjóðminjasafn Íslands í fundasal þess og hefjast kl. 12:05. Hjalti Hugason mun flytja erindið „Jarðsett verður í heimagrafreit“. Um útfararsiði og samfélagsbreytingar.

Hjalti fjallar um breytingar á útfararsiðum landsmanna nú á dögum og á fyrri hluta 20. aldar og þá einkum greftranir í heima-/heimilis-grafreitum. Útfararsiðir eru að hans mati áhugaverðir þar sem þar fléttast saman ýmis trúarleg og samfélagleg sjónarmið.

Hjalti Hugason lauk doktorsprófi í kirkjusögu frá Uppsala-háskóla og hefur síðan starfað við Kennaraháskóla Íslands og síðar Háskóla Íslands. Hann er nú prófessor við guðfræði- og trúarbragðafræðideil. Í rannsóknum sínum hefur Hjalti einkum lagt stund á íslenska kirkjusögu og trúarbragðarétt. Upp á síðkastið hefur hann aðallega birt greinar um siðaskiptin og nútímakirkjusögu.

Fyrirlestrarnir eru öllum opnir og aðgangur er ókeypis.


This page

Um félagið

Sagnfræðingafélag Íslands er fagfélag íslenskra sagnfræðinga. Sem slíkt er það vettvangur fyrir umræður um sérfagleg málefni, en jafnframt vill það stuðla að þverfaglegum rökræðum um vísindi og fræði almennt. Félagið stendur reglulega fyrir opnum félagsfundum, ráðstefnum, og ýmsum fagtengdum fundum.

Póstfang félagsins er:
Sagnfræðingafélag Íslands
ReykjavíkurAkademían
Þórunnartún 2
IS-105 Reykjavík

Tölvupóstfang félagsins er: sagnfraedingafelagid@gmail.com

Einnig má hafa samband við Markús Þ. Þórhallsson, formann Sagnfræðingafélagsins, í gegnum tölvupóstfangið mth39@hi.is

About the Association

The Icelandic Association of Historians can be contacted via email: sagnfraedingafelagid@gmail.com.

Search this page


RSS for entries. RSS for comments.

Powered by WordPress. Valid XHTML & CSS.

Fótur

Sagnfræðingafélag Íslands - Sími: 661-2671- Tölvupóstur: sagnfraedingafelagid@gmail.com