miðvikudagur, 12. okt 2016

Hádegisfyrirlestur 18. október: Orðasaga

Þriðjudaginn, 18. október, flytur Katrín Axelsdóttir erindið Orðasaga á vegum Sagnfræðingafélags Íslands. Fyrirlesturinn hefst kl. 12:05 og fer fram í fyrirlestrasal Þjóðminjasafns Íslands, en fyrirlestraröðin er skipulögð í samvinnu við Þjóðminjasafnið.

Katrín Axelsdóttir er höfundur bókarinnar Sögur af orðum (2014). Bókin er doktorsritgerð hennar og fjallar um beygingarsögu nokkurra orða og orðahópa, einkum fornafna, sem eiga það sameiginlegt að hafa tekið miklum breytingum frá elsta skeiði í íslensku – máli sem er frægt fyrir íhaldssemi, ekki síst hvað varðar beygingu orða.

Á grundvelli allmikils efniviðar er reynt að rekja beygingarsöguna og skýra. Athygli er jafnframt beint að því sem er líkt (og um leið því sem er ólíkt) í beygingarsögu orðanna. Þar er um að ræða atriði eins og hugsanleg erlend áhrif, mállýskumun, hvenær breytingarnar verða, þann tíma sem þær taka og þá stefnu sem þær taka, þ.e. hvort þær leiða til einhvers konar einföldunar eða ekki.

Í erindinu verður sagt frá tilurð bókarinnar og byggingu, markmiðum, verklagi, heimildum, sjónarhornum, ýmsum niðurstöðum og því gagni sem má hafa af þeim.


This page

Um félagið

Sagnfræðingafélag Íslands er fagfélag íslenskra sagnfræðinga. Sem slíkt er það vettvangur fyrir umræður um sérfagleg málefni, en jafnframt vill það stuðla að þverfaglegum rökræðum um vísindi og fræði almennt. Félagið stendur reglulega fyrir opnum félagsfundum, ráðstefnum, og ýmsum fagtengdum fundum.

Póstfang félagsins er:
Sagnfræðingafélag Íslands
ReykjavíkurAkademían
Þórunnartún 2
IS-105 Reykjavík

Tölvupóstfang félagsins er: sagnfraedingafelagid@gmail.com

Einnig má hafa samband við Kristínu Svövu Tómasdóttur, formann Sagnfræðingafélagsins, í gegnum tölvupóstfangið kristinsvava@gmail.com

About the Association

The Icelandic Association of Historians can be contacted via email: sagnfraedingafelagid@gmail.com.

Search this page


RSS for entries. RSS for comments.

Powered by WordPress. Valid XHTML & CSS.

Fótur

Sagnfræðingafélag Íslands - Sími: 661-2671- Tölvupóstur: sagnfraedingafelagid@gmail.com