þriðjudagur, 28. okt 2014

Hádegisfyrirlestrar: Vísindi, sannleikur og söguskoðun

Næstkomandi þriðjudag, 4. nóvember, munu Helgi Skúli Kjartansson og Axel Kristinsson flytja hádegisfyrirlestra á vegum Sagnfræðingafélagsins í fyrirlestrasal Þjóðminjasafns Íslands undir yfirskriftinni Vísindi, sannleikur og söguskoðun. Fyrirlestrarnir hefjast kl. 12:05.

Mælikvarðinn á gildi eða réttmæti sagnfræðilegra lýsinga hlýtur að vera sannleikskrafan sjálf fremur en hvort þær þjóni góðum eða slæmum málstað. Við ætlumst til að sagnfræðingar greini eins satt og rétt frá og þeim er unnt, jafnvel þótt niðurstaðan sé á einhvern hátt óheppileg, siðferðilega eða pólitískt. Hvers vegna gerum við þessa sannleikskröfu og er hún á einhvern hátt frábrugðin sannleikskröfu annarra hug- og félagsvísinda eða raunvísinda? Eru þá til mismunandi tegundir af sannleika eða er aðgreiningin milli raunvísinda og mannvísinda aðeins merki um úrelta tvíhyggju?

Helgi Skúli Kjartansson er prófessor í sagnfræði á menntavísindasviði Háskóla Íslands. Axel Kristinsson er sjálfstætt starfandi sagnfræðingur við ReykjavíkurAkademíuna.


This page

Um félagið

Sagnfræðingafélag Íslands er fagfélag íslenskra sagnfræðinga. Sem slíkt er það vettvangur fyrir umræður um sérfagleg málefni, en jafnframt vill það stuðla að þverfaglegum rökræðum um vísindi og fræði almennt. Félagið stendur reglulega fyrir opnum félagsfundum, ráðstefnum, og ýmsum fagtengdum fundum.

Póstfang félagsins er:
Sagnfræðingafélag Íslands
ReykjavíkurAkademían
Þórunnartún 2
IS-105 Reykjavík

Tölvupóstfang félagsins er: sagnfraedingafelagid@gmail.com

Einnig má hafa samband við Kristínu Svövu Tómasdóttur, formann Sagnfræðingafélagsins, í gegnum tölvupóstfangið kristinsvava@gmail.com

About the Association

The Icelandic Association of Historians can be contacted via email: sagnfraedingafelagid@gmail.com.

Search this page


RSS for entries. RSS for comments.

Powered by WordPress. Valid XHTML & CSS.

Fótur

Sagnfræðingafélag Íslands - Sími: 661-2671- Tölvupóstur: sagnfraedingafelagid@gmail.com