laugardagur, 16. nóv 2013

Hádegisfyrirlestur 19. nóvember: „Dýrabeinasöfn sem þjóðminjar.“

Næstkomandi þriðjudag, þann 19. nóvember, mun Albína Hulda Pálsdóttir flytja erindi sem kallast: „Dýrabeinasöfn sem þjóðminjar.“ Erindið er hluti af hádegisfyrirlestraröð Sagnfræðingafélags Íslands sem ber yfirskriftina „Hvað eru þjóðminjar?“

Í lýsingu á erindi Albínu segir:

Íslensk fornleifafræði hefur verið í miklum blóma undanfarinn 15 ár og með bættum uppgraftaraðferðum og fjölgun sérfræðinga í dýrabeinafornleifafræði, skordýragreiningum og greiningu plöntusýna hafa þær upplýsingar sem hægt er að ná úr hverjum uppgreftri margfaldast. Nokkrir uppgreftir undanfarin ár hafa skilað mjög stórum dýrabeinasöfnum, t.d. uppgröftur á Alþingisreit, Hofstöðum í Mývatnssveit, Hólum og Skálholti. Þessi söfn telja hvert um sig tugi og jafnvel hundruð kassa. Eðli máls samkvæmt þurfa þessi söfn mikið geymslupláss með tilheyrandi kostnaði.Í dýrabeinafornleifafræði er það heildin sem skiptir máli en ekki stök bein og því er afar mikilvægt að stór dýrabeinasöfn sem grafin hafa verið upp á vandaðan hátt séu varðveitt í heild sinni. Íslensk dýrabeinafornleifafræði er enn að slíta barnsskónum og á flestum dýrabeinasöfnum hafa aðeins verið gerðar grunngreiningar og því ljóst að mikið af upplýsingum er enn í söfnunum. Í fyrirlestrinum verður þeirri hugmynd velt upp að ákveðin dýrabeinasöfn verði skilgreind sem þjóðminjar til að tryggja varðveislu þeirra til framtíðar enda hafi þau sérstaka merkingu og mikilvægi fyrir menningarsögu Íslands svo vísað sé í núgildandi lög um menningarminjar nr. 80 frá 2012.

 

Fyrirlesturinn er haldinn í fyrirlestrasal Þjóðminjasafns Íslands og hefst stundvíslega klukkan 12:05. 


This page

Um félagið

Sagnfræðingafélag Íslands er fagfélag íslenskra sagnfræðinga. Sem slíkt er það vettvangur fyrir umræður um sérfagleg málefni, en jafnframt vill það stuðla að þverfaglegum rökræðum um vísindi og fræði almennt. Félagið stendur reglulega fyrir opnum félagsfundum, ráðstefnum, og ýmsum fagtengdum fundum.

Póstfang félagsins er:
Sagnfræðingafélag Íslands
ReykjavíkurAkademían
Þórunnartún 2
IS-105 Reykjavík

Tölvupóstfang félagsins er: sagnfraedingafelagid@gmail.com

Einnig má hafa samband við Kristínu Svövu Tómasdóttur, formann Sagnfræðingafélagsins, í gegnum tölvupóstfangið kristinsvava@gmail.com

About the Association

The Icelandic Association of Historians can be contacted via email: sagnfraedingafelagid@gmail.com.

Search this page


RSS for entries. RSS for comments.

Powered by WordPress. Valid XHTML & CSS.

Fótur

Sagnfræðingafélag Íslands - Sími: 661-2671- Tölvupóstur: sagnfraedingafelagid@gmail.com