þriðjudagur, 17. mar 2009

Aðalfundur Sagnfræðingafélagsins 21. mars

Aðalfundur Sagnfræðingafélags Íslands fer fram laugardaginn 21. mars n.k. í húsi Sögufélags
við Fischersund. Fundurinn hefst kl. 16.

Dagskrá
1) Ársskýrsla kynnt og lögð fram til samþykktar.
2) Endurskoðaðir reikningar kynntir og lagðir fram til samþykktar.
3) Lagabreytingar (engar tillögur að lagabreytingum hafa borist stjórn félagsins).
4) Kjör stjórnar. Kjör tveggja skoðunarmanna reikninga og tveggja fulltrúa í Landsnefnd íslenskra sagnfræðinga til eins árs.
5) Ákvörðun árgjalds fyrir næsta starfsár.
6) Önnur mál.

Að loknum aðalfundarstörfum verður gert stutt hlé og kl. 17 mun dr. Ragnheiður Kristjánsdóttir flytja erindi sem nefnist Íslenskur kommúnismi? Í útdrætti að erindinu segir:

Ólíkt kommúnistahreyfingunni í nágrannalöndunum hafði íslenski angi hennar ekki á róttækum grunni að byggja. Frameftir þriðja áratugnum störfuðu kommúnistar innan Alþýðuflokksins og átti það þátt í að styrkja stöðu þeirra á Íslandi. Engu að síður þurftu kommúnistar að skapa sér sérstöðu og greina sig frá sósíaldemókrötum í Alþýðuflokknum. Tengslin við alþjóðlega kommúnistahreyfingu og loforð um byltingu hliðstæða þeirri í Rússlandi veitti þeim slíka sérstöðu. En það var ekki sama hvernig þeir kynntu kommúníska hugmyndafræði í íslensku samhengi. Ákall um heimsbyltingu öreiganna og kvaðning í alþjóðlegan baráttuher þurfti að orða þannig að það fengi merkingu og hljómgrunn á meðal Íslendinga. Í fyrirlestrinum verður fjallað um tilraunir til að þýða kommúnismann yfir á íslensku.

Boðið verður upp á léttar veitingar.

Að fundi loknum er stefnt að því fundargestir, og aðrir sem áhuga hafa, snæði saman kvöldverð. Staður verður nánar auglýstur síðar.


This page

Um félagið

Sagnfræðingafélag Íslands er fagfélag íslenskra sagnfræðinga. Sem slíkt er það vettvangur fyrir umræður um sérfagleg málefni, en jafnframt vill það stuðla að þverfaglegum rökræðum um vísindi og fræði almennt. Félagið stendur reglulega fyrir opnum félagsfundum, ráðstefnum, og ýmsum fagtengdum fundum.

Póstfang félagsins er:
Sagnfræðingafélag Íslands
ReykjavíkurAkademían
Þórunnartún 2
IS-105 Reykjavík

Tölvupóstfang félagsins er: sagnfraedingafelagid@gmail.com

Einnig má hafa samband við Kristínu Svövu Tómasdóttur, formann Sagnfræðingafélagsins, í gegnum tölvupóstfangið kristinsvava@gmail.com

About the Association

The Icelandic Association of Historians can be contacted via email: sagnfraedingafelagid@gmail.com.

Search this page


RSS for entries. RSS for comments.

Powered by WordPress. Valid XHTML & CSS.

Fótur

Sagnfræðingafélag Íslands - Sími: 661-2671- Tölvupóstur: sagnfraedingafelagid@gmail.com