þriðjudagur, 5. des 2006

Ályktun um Íslendingabók

Stjórn Sagnfræðingafélags Íslands samþykkti og sendi frá sér eftirfarandi ályktun 3. desember 2006:

Stjórn Sagnfræðingafélags Íslands lýsir þungum áhyggjum af því ástandi sem skapast með uppsögnum starfsmanna Íslendingabókar. Gagnagrunnur Íslendingabókar hefur nýst fræðimönnum á undanförnum árum við rannsóknir og sparað þeim ómælda vinnu. Þá hefur almenningur sótt mikið í grunninn. Meðal þeirra sem láta af störfum á næstu vikum eru tveir sagnfræðingar sem hafa unnið við gerð Íslendingabókar árum saman og hafa við þá vinnu nýtt þekkingu sína og reynslu af gagnrýninni heimildarýni. Trúverðugleiki Íslendingabókar sem heimildar byggir m.a. á traustum faglegum vinnubrögðum allra þeirra starfsmanna sem við hana vinna. Stjórn Sagnfræðingafélags Íslands óttast að verði slakað á kröfum um fræðileg vinnubrögð með uppsögnum sérfræðinga verði ekki lengur unnt að reiða sig á gagnagrunn Íslendingabókar sem trúverðugt safn heimilda.

Fyrir hönd stjórnar Sagnfræðingafélags Íslands
Guðni Th. Jóhannesson


This page

Um félagið

Sagnfræðingafélag Íslands er fagfélag íslenskra sagnfræðinga. Sem slíkt er það vettvangur fyrir umræður um sérfagleg málefni, en jafnframt vill það stuðla að þverfaglegum rökræðum um vísindi og fræði almennt. Félagið stendur reglulega fyrir opnum félagsfundum, ráðstefnum, og ýmsum fagtengdum fundum.

Póstfang félagsins er:
Sagnfræðingafélag Íslands
ReykjavíkurAkademían
Þórunnartún 2
IS-105 Reykjavík

Tölvupóstfang félagsins er: sagnfraedingafelagid@gmail.com

Einnig má hafa samband við Markús Þ. Þórhallsson, formann Sagnfræðingafélagsins, í gegnum tölvupóstfangið mth39@hi.is

About the Association

The Icelandic Association of Historians can be contacted via email: sagnfraedingafelagid@gmail.com.

Search this page


RSS for entries. RSS for comments.

Powered by WordPress. Valid XHTML & CSS.

Fótur

Sagnfræðingafélag Íslands - Sími: 661-2671- Tölvupóstur: sagnfraedingafelagid@gmail.com