mánudagur, 16. okt 2006

Hin þrjú andlit Klíó: Átökin í sagnfræðinni

Getur sagnfræði hjálpað fólki að grenna sig? Það var upphaflegt heiti næsta erindis í hádegisfundaröð félagsins sem verður haldinn þriðjudaginn 24. október, kl. 12:05-12:55, í fyrirlestrasal Þjóðminjasafns Íslands. Fyrirlesari er Árni Daníel Júlíusson og vera má að upphaflegri spurningu verði svarað. Annars segir í útdrætti fyrirlestrar:

Að undanförnu hafa orðið hörð átök í sagnfræði hér heima og erlendis. Deilurnar hafa staðið um hvers eðlis sagnfræði sé. Gagnrýni hefur komið fram á svokallaðar stórsögur, sem stýri sagnfræðiumræðu og verði að hafna eigi greinin að geta dafnað.

Ein af þeim stórsögum sem gagnrýndar hafa verið eru sjálf vísindin. Í erindinu er fjallað um tvær tegundir sagnfræði, sem báðar gera kröfu til þess að teljast vísindaleg sagnfræði, en hvor á sinn hátt. Þetta eru empírísk saga og félagsvísindaleg saga. Fjallað er um tengsl þriðju tegundar sagnfræði, póstmódern sagnfræði, við þessi tvö eldri viðmið. Póstmódernisminn hafnar hugtökum eins og vísindum, skynsemi, framförum og tengslum texta við raunveruleikann.

Í erindinu verður fjallað um hvernig þetta nýja viðmið hefur stóreflt sagnfræðilega umræðu og blásið nýju lífi í greinina, þótt sagnfræðin hafi í raun hafnað hinum fræðilegu forsendum þess.

Árni Daníel Júlíusson er doktor í sagnfræði frá Kaupmannahafnarháskóla. Hann vinnur nú að ritun íslenskrar landbúnaðarsögu


This page

Um félagið

Sagnfræðingafélag Íslands er fagfélag íslenskra sagnfræðinga. Sem slíkt er það vettvangur fyrir umræður um sérfagleg málefni, en jafnframt vill það stuðla að þverfaglegum rökræðum um vísindi og fræði almennt. Félagið stendur reglulega fyrir opnum félagsfundum, ráðstefnum, og ýmsum fagtengdum fundum.

Póstfang félagsins er:
Sagnfræðingafélag Íslands
ReykjavíkurAkademían
Þórunnartún 2
IS-105 Reykjavík

Tölvupóstfang félagsins er: sagnfraedingafelagid@gmail.com

Einnig má hafa samband við Markús Þ. Þórhallsson, formann Sagnfræðingafélagsins, í gegnum tölvupóstfangið mth39@hi.is

About the Association

The Icelandic Association of Historians can be contacted via email: sagnfraedingafelagid@gmail.com.

Search this page


RSS for entries. RSS for comments.

Powered by WordPress. Valid XHTML & CSS.

Fótur

Sagnfræðingafélag Íslands - Sími: 661-2671- Tölvupóstur: sagnfraedingafelagid@gmail.com