föstudagur, 20. jan 2006

Hinn árlegi bókafundur

Bókafundur Sagnfræðingafélags Íslands og Sögufélags

Árlegur bókafundur Sagnfræðingafélags Íslands og Sögufélags verður haldinn í húsi Sögufélags við Fischersund miðvikudagskvöldið 1. febrúar, og hefst stundvíslega kl. 20:00. Rætt verður um eftirtalin rit: Bragi Þorgrímur Ólafsson sagnfræðingur fjallar um rit Guðjóns Friðrikssonar, Ég elska þig stormur. Ævisaga Hannesar Hafstein. Dagný Heiðdal listfræðingur fjallar um rit Hrafnhildar Schram, Huldukonur í íslenskri myndlist. Kristján Jóhann Jónsson bókmenntafræðingur fjallar um bækur Sigurðar Gylfa Magnússonar, Fortíðardraumar: sjálfsbókmenntir á Íslandi, og Sjálfssögur: minni, minningar og saga. Tækifæri gefst til fyrirspurna og umræðna um hverja bók, og að þeim loknum verður einnig tekið upp tal um stöðu fræðirita á Íslandi í dag, í ljósi þeirra skoðanaskipta sem verið hafa um það mál undanfarnar vikur. Fundarstjóri verður Ólöf Garðarsdóttir sagnfræðingur. Aðgangur er ókeypis og öllum heimill, og léttar veitingar í boði.


This page

Um félagið

Sagnfræðingafélag Íslands er fagfélag íslenskra sagnfræðinga. Sem slíkt er það vettvangur fyrir umræður um sérfagleg málefni, en jafnframt vill það stuðla að þverfaglegum rökræðum um vísindi og fræði almennt. Félagið stendur reglulega fyrir opnum félagsfundum, ráðstefnum, og ýmsum fagtengdum fundum.

Póstfang félagsins er:
Sagnfræðingafélag Íslands
ReykjavíkurAkademían
Þórunnartún 2
IS-105 Reykjavík

Tölvupóstfang félagsins er: sagnfraedingafelagid@gmail.com

Einnig má hafa samband við Kristínu Svövu Tómasdóttur, formann Sagnfræðingafélagsins, í gegnum tölvupóstfangið kristinsvava@gmail.com

About the Association

The Icelandic Association of Historians can be contacted via email: sagnfraedingafelagid@gmail.com.

Search this page


RSS for entries. RSS for comments.

Powered by WordPress. Valid XHTML & CSS.

Fótur

Sagnfræðingafélag Íslands - Sími: 661-2671- Tölvupóstur: sagnfraedingafelagid@gmail.com