Jólarannsóknaræfing 11. desember

Árleg jólarannsóknaræfing Félags íslenskra fræða, Sagnfræðingafélags Íslands og Reykjavíkurakademíunnar verður haldin í Iðnó næsta laugardag. Húsið opnar kl. 19. Í boði er þriggja rétta glæsilegur jólakvöldverður.

Veislustjóri verður Gísli Sigurðsson íslenskufræðingur sem m.a. mun veita heppnum gestum kvöldsins bókagjöf frá Bjarti og JPV útgáfum. Ræðumaður kvöldsins verður Guðni Elísson og að loknu borðhaldi tekur tónlist og dans við. Verð er 5500 kr. en kl. 23:30 verður húsið opnað fyrir þeim sem vilja koma eftir matinn og greiða 500 kr. fyrir að skemmta sér fram eftir nóttu.